“मानषिया सुजाथावै बेसेननि रथ्न फोराव मोनसे खनिनि धोन बादि। सोलोंथायाल’ नो, बेनि समप्दफोरनि फोरमायनो बेनि जाहोन, आरो मानषिहारिखौ बैनिफ्राय मुलाम्फा मोन्नो हाहोयो।”
— बाहाउल्लाह
सुबुं जोनोमनि सोद्रोमथियाव मोनसे दिदोम फोथायलानायजों, बाहाईफोरा फोथायोदि बेकटिनियाव मोनबोखानाय मावगोहोफोर आरो गुणफोरनि खांलांनायखौ हमथालाखिनाय आरो फारिनेमथिखौ समाजखान्थिनि साबसिन खालामनायाव गोनांजायो। सोलोंथाया खान्थिफारि दि समाजखान्थिनि दिखांनायनि थाखाय गोहोदिहुन्नो साफ्रोम बेकटिनि फैलाव हानाय गोहोफोरखौ हगारो। थार जौगानायाव अनसुंथाय होनो, सुबुं जोरना थानायनि जीउमारि आरो बेसादारि जखाफोर मोन्नैखौबो सोलोंथाया सिनाय होथारनांगोन।
समाज दानाय मावहाबाफोरनि मिरुआव दि बाहाईफोरा साधारण मोजाङाव सिबिनायनि मोनसे थांना थानाय जीउ समनि थाखाय बेकटिनि जीउमारि आरो मेलेमजिबि मावगोहोफोरखौ दानायाव थांखिहोनाय सोलोंथायारि हाबाफारिफोराव नांथाबदों।
गथसा
जीउमारि गुणफोरनि जौगानायनि सायाव नोजोरहोनानै गुबुन गुबुन जायगाफोराव गथसानि जीउमारि सोलोंथायनि थाखाय थाखोफोरा जागासिनो दङ आरो फोथायनायफोर, हुदाफोर आरो आखुबाहायनायनि उनदाथायफोरखौ बै सासे सुबुं जीउमारियै धोनिखालामो।
उन्दै देरफुनायफोर
उन्दै देरफुनायफोरा हादरनि जेरावबो मोनसे हाबाफारियाव दोलोफोराव बाहागोलायो जाय बिसोरखौ जीउमारि सान्दांथि जौगानाय हेफाजाब होयो आरो थिरांथाफोर खालामनायनि थाखाय मोनसे आखल-आखु दानाय हाबा। गावसोरनि बुंफ्रुनाय गोहो बिसोरो जौगाहोयो आरो गावसोरनि समाजफोराव सिबिनायाव गावसोरनि गोबांथार गोहोफोरखौ जाम्फैहोयो।
लाइमोन आरो बैसोगोराफोर
सोलोंथायारि खान्थिफारिखौ मोनसे मिरुबोखानाय गेजेरजों, गामिफोराव लाइमोन आरो बैसोगोराफोर आरो नोगोरफोरनि नसुंसेफोराव हादरनि जेरावबो गावसोरनि समाजफोराव सिबिनाय होनायनि थाखाय मावथारनाय मावगोहोफोर, मेलेमजिबि, आखल-आखु, जीउमारि आ जौगाखांगासिनो दङ।
