“‘বাহা‘উ’ল্লাহনা মালেমদা লৈরিবা লাইনিংলোনবু চেৎনা থাজবা পূম্নমকশিংগী লাইখুরুম্নবা মফম অমা শেমগৎনবা য়াথঙবীরম্মী; মদুদি লাইনিংলোন, জাৎ অমসুং মচেৎ তারিবশিং পূম্নমক্না মদুগী তেঙপানগী ওইবা চঙজফম অদুদা পুন্না পুল্লনবা; মদুদি মদুগী অশেঙবগী হাংদোক্লবা পুনফমশিংদুদগী মীওইবা খুন্নাইগী অমত্তা ওইবদুবু লাওথোরক্নবা।”



অব্দুল-বাহা

বাহা’ইশিংগীদমক্তদি, লাইনিংগী ওইবা পুন্সি, হায়বদি লাইশোল তৌবা অমদি ধ্যান তৌবগী মতম অসি লন্নাইগী পেন্নবখক্কীদমক্তা পাঙথোক্তে; মদুগী থৌদাং অমদি লন্নাই মীওই অমদি খুন্নাই অদুবু মখোয়গী নুংগীওইবা পাঙ্গল শক্তিশিংদুবু মালেমসিবু হেন্না ফহনগদবা থবকশিং তৌহন্নবা থৌনা হাপ্পীবনি।

লাইখুরুম্বা অমসুং সেবাগী মরক্তা লৈরিবা মরী অদুগী শান্না য়েংবা মিৎয়েং অমগা লোয়ননা, লাইশোলশিংদু থবক্তা ওন্থোরকই অমসুং থবকশিংদু নুংগীওইবা গুন্না মপাঙ্গল কলহনবী। নুংগীওইবা লম্বেল অমদু তশেংনা পানশিনবা য়াবা খোঙথাং অমনা চৎপদু ওইথোকহল্লি। মসিগী লাইখুরুম্বা অমসুং সেবাগী লৈনরিবা নক্নবা মরি অসিগী শক্তমশিংসিবু য়োকখৎপা খুন্নাইগী পুন্সিগী পরিং অমা ইন্দিয়া শিন্থুংবদা লৈরিবা খুঙ্গংশিং অমসুং নাইবরহুদশিংদা শেমগৎলক্লি।

নিউ দেল্লিদা লৈরিবা, Lotus Temple হায়নসু খঙনরিবা বাহা’ইগী লাইশঙ অসিনা বাহা’ইগী পুন্সিরোলগী শক্লোন অনী ওইইরবা-লাই খুরুম্বা অমদি সেবা-অসিবু পুন্না পুশিল্লক্লি। লাইশঙ অসি ময়াইদা লাইখুরুম্নবা মফম অমা লৈ, চঙফম মাপল লৈ, মসিনা লাইনিং লম্বীগী অমত্তা ওইবা অমসুং তাইবং মপুগী পাওখোলোই নত্রগা লাইপোকশিংসিগী তাকপী তম্বীবা পূম্নমকসি অমত্তা ওইবা তশেংবদু য়ৌনবা থোঙশিংনি হায়বগী খুদমনি। লাইশঙগী অকোয়বদা লৈরিবা লৈকোলশিংদুনা মফমদুনা চঙলক্লিবা মীওই অদুগী মখোয়গী নুংগী ওইবা ফিভমদুবু শেম শাবীবদা তেংবাংবী। লাক্কদবা তুংগী মতমদা লাইশঙ অসিগা নক্নবা মফমশিংদা মীয়াম পুম্বগী পোৎচাক্কী অমসুং মহৈ মশিংগী দরকারশিংদুবু য়েঙশিন্নবা লোইশঙ (দিপেন্দেনসি) কয়া অমা শেমগৎলক্কনি। নুমিৎ খুদিংগী লাইশঙদুদা লেপ্তনা চঙশিল্লিবা লাইশোল অমদি ধ্যান তৌবদুনা পোকহল্লকপা ইথিল অদু দেল্লি-এন.সি.আর. (Delhi-NCR) অমদি লাপথোকখিবা মফমশিংদা লৈরিবা নাইবরহুদশিংদা লেপ্তনা হেনগৎলক্লিবা খুন্নাই শেমগৎপগী থবক্তা ওনশিলহল্লি।