ঙসিগী মতম অসিদা মীওইবা জাতী অসি অঙাং ওইবগী মপুঙফাদ্রিবা মতৌদুবু থম্লমদুনা অমদি মপুঙফাবগী থোঙজিলদা চঙশিল্লক্তুনা ফিভম অমদগী অমদা তাঙ্ককনাইনা হোংলকপগী চক অমদা লৈরে। অতোপ্পা মালেমগী মফমগুম্না, মসিগি মতম অসিদা ইন্দিয়াগী খুন্নাই অসিসু সিষ্টেমশিং, ষ্ট্রকচরশিং, অমসুং হান্নগী মতমশিংদগী লৈরক্লবা চৎন-লোনচৎশিংনা হৌজিক হৌজিক ওইরিবা মালেমসিগী য়াম্না লুরবা তশেংবশিংসিবু মখাতানা য়েঙশিনবা ঙমদ্রবা চমম্নরবা অহোংবা কয়া অমা থেঙনরি। মসিগী হোংলকপগী লেপ্তনা চঙশিল্লিবা খোঙচৎ অসিবু লমজিং লমতাকপীনবা অমসুং শেম-শানবা মফম খুদিংমক্তা পাম্নরক্লিবসি লন্নাই মীওই অমসুং খুন্নাইগী থাক্তা লিচৎ শাজৎকী ওইবা নৌহৌননা থৱায় হাপলকপদুনি।

পুৱারীগী ওইনদি, লাইনিংলোন্না মীওইবগী মওং মতৌবু হেন্না ফগৎহনবদুনা চাওখৎহন্নবগী খ্বাইদগী মরুওইবা শাফু ওইদুনা লাক্লি অমসুং মদুনা লিচৎ শাজৎ অমদি আইনগী মতাংদা শরুক তম্লম্বশিংদুনা খুন্নাইগী অচেৎপা মরিদু তেক্তা কায়দনা থম্বীরি। তাইবঙ মপুগী পাওখোলোইশিং ওইরিবা কৃষ্ণ, বুধা, জোরোস্তার, মোসেস, জিশু খৃষ্ট অমসুং লাইপোক মুহম্মদনা চাক খুদিংদা সরকার তাখিবা নুংগী ওইবা অমদি লিচৎ শাজৎকী তাকপী তম্বীরোলশিং পীবিদুনা সভেত্যবু খুমাঙ চাওশিলহল্লি।

বাহা’ই লাইনিং অসি মসিগী তাইবঙ মপুগী শাফোঙবগী লোইবা নাইদনা লেপ্তনা চত্থরকপা খোঙচৎ অসিদা খ্বাইদগী নৌবা পারা অদুনি। বাহা’ই লাইনিং হৌদোকপীরম্বা লাইপোক ওইরিবা বাহা‘উ’ল্লাহনা শাফোঙবিরে মদুদি মীওইবা খুন্নাই অসি হৌজিক অপুনববু ফঙনবগীদমক্তা দরকার ওইবা শক্তিশিং অমদি তৌবা ঙম্বশিংদুবু লৈজরক্লবা অপুনবগী ওইবা য়াওনদা খ্বাইদগী মরুওইবা তাঙ্কক অদু য়ৌরক্লে। মীওইবা জাতীনা মপুঙ ফারকপগী শোইদ্রবা খুদম ওইগদৌরিবা, মসিগী পুন্সিনবা অসিদা, লন্নাই মীওইবগী পুন্সি, খুন্নাইগী পুন্সি, অমসুং খুন্নাইগী ষ্ট্রকচরশিংসি মপুঙফানা নৌহৌননা শেমদোক্লগনি।

হোংলক্লিবা চক অসিদা বাহা’ইগী লাইনিংগী পান্দমদি মীওইবা জাতী ঐখোয়না অমত্তা ওইনা পুনশিনবগী পান্দমদু তম্না চঙশিন-চঙশিন্না লন্নাই মীওইগী পুন্সি অমসুং খুন্নাইগী ষ্ট্রকচরশিংসি তপ্না-তপ্না হোংহনবা অদুবু ইনোৎ হাপ্পীবা, নাওয়োকপীবা অমসুং লমজিংবীবনি।