তেংপানগী অচুম্বা ৱায়েল লৈঙাকশঙ অসি বাহা’ই লাইনিংগী অন্তর্জাতীগী থাক্তা লৈবা লৈঙাকশঙনি।বাহা‘উ’ল্লাহনা মসিগী সঙস্থান অসিবু মহাক্কী আইনশিংগী লাইরিক, কিতাব-ই-অকদাসতা শেম্নবা নোংদমবীরম্মী।

তেংপানগী অচুম্বা ৱায়েল লৈঙাকশঙ অসি মীওই মাপলনা শাবা বোদী অমনি, চহী মঙা খুদিংগী লৈবাক্কী ওইবা বাহা’ই এসেমব্লিস পূম্নমক্কী মীওই অপুম্বনা মীখল তৌদুনা খল্লি। মীওইবা খুন্নাইগী নুঙাই য়াইফবদা অফবা ইথিল পীবিনবা, মহৈ মশিং, শান্তি অমসুং তাইবংপানগী ৱাত্ত-পাদবা অদুবু য়োকখৎনবা, অমসুং মীওইবগী চিংলেম্বা অমসুং লাইনিংলোনগী ফম্বালবু ঙাকশেন্নবা তেংপানগী অচুম্বা ৱায়েল লৈঙাকশঙদা বাহা‘উ’ল্লাহনা তাইবং মপুগী ওইবা শক্তি অদু পীনিবি। বাহা’ইগী তম্বীরোলশিংবু লেপ্তনা-ওল্লক্লিবা সমাজ অমগী দরকারশিংগী মতুংইন্না পানশিন্নবা মখোয়দা থৌদাং পীবিরে অমসুং মরমদুনা লাইনিং অসিগী অশেঙবা লাইরিকশিংদা ময়েকশেঙনা পল্লমদবা হিরমশিংদুগী মতাংদা আইনশিং শেম্নবা (লেজিসলেত)শক্তিদু পীবিরে।

ইং ১৯ ৬৩দা ইহান হান্না খনখিবা মতমদুদগী, তেংপানগী অচুম্বা ৱায়েল লৈঙাক্কী শাংনা মালেমগী বাহা’ই খুন্নাইবু ৱাত্ত-পাদবা মালেমগী ওইবা সভেত্য অমা শেমগৎপদা শরুক য়ানবগী মখোয়গী তৌবা ঙম্বদু চাওখৎহন্নবা লমজিংবীদুনা লাক্লি। তেংপানগী অচুম্বা ৱায়েল লৈঙাকশঙনা পীবা লমজিং লমতাক অদুনা, বাহা’ই খুন্নাইনা মালেমগী শান্তিবু তশেং-তশেংবা ওইহন্নবা বাহা‘উ’ল্লাহনা থম্বীরম্বা মিৎয়েং অদুবু থবক্তা ওন্থোক্নবা তমশিন্দুনা, ৱাখল অমসুং থবক্কী অপুনবদু ঙাক শেনবী।

Exploring this topic:

A Unique Institution

Development of the Bahá’í Community Since 1963

The Seat of the Universal House of Justice

Quotations

Articles and Resources