बुहुमनां थारबिजिरसालिया बाहाई फोथायनायनि मुलुगनां खुंनाय आफाद। गावनि नेमखान्थिफोरनि बिजाबआव बे फसंथाननि सोरजिनायखौ बाहाउल्लाहआ बिथोनहोदों, किताब-इ-आकदास।
बुहुमनां थारबिजिर सालिया मोनसे गु सोद्रोमा जुथुम आफाद, गासैबो माहारियारि बाहाई जथुमफोरनि दंनाय मानि सोद्रोमाफोरजों बा बोसोरफ्रोमबो सायखजादों। सुबुंहारिनि बरायनाय सायाव मोनसे दाजाबथि गोहोम लाबोनो, सोलोंथाय दिखांनो, गोजोन आरो बुहुमनां जौगाथाय, आरो सुबुं मान आरो धोरोमनि थाखोखौ रैखाथि लाखिनो बुहुमनां थारबिजिरसालिनि सायाव बाहाउल्लाहआ सोरगोयारिगुण बिमोनथायखौ गथायदों। बाहाई फोरोंनायफोरखौ बाहायफुंनायजों बेयो बिबानहोजादों मोनसे अराय जौगालांनाय समाजखान्थिनि गोनांजानायफोराव आरो फोथायनायनि गोथार लिरथायफोरा गेवलाङैनो खोबनादोनजाया बे बादिनो जाहोनफोरनि सायाव सावरायदैदेन्नो गोहोहोजादों।
1963 माइथायाव बेनि गिबि बिसायखथि निफ्राय, बुहुमनां थारबिजिरसालिया बाहाई मुलुग समाजखौ दैदेनबाय बेनि मावगोहोखौ जौगाखांहोनो मोनसे जौगाखांथि बुहुमनां सोदोमस्रि दानायाव बाहागोलानो। बुहुमनां थारबिजिरसालिजों दैदेन्नाया जगायजादोंमोन बाहाई समाजआव सान्नाय आरो मावथारनायनि खौसेथि रोखा खालामो बेबादिनो बाहाउल्लाहनि मुलुग गोजोननि नुहरथायखौ नंगुबैथियाव दानस्लायनो बेखौ सोलोङो।
Exploring this topic:
- A Unique Institution
- Development of the Bahá’í Community Since 1963
- The Seat of the Universal House of Justice
- Quotations
- Articles and Resources
